Zaj nyeem HWM YIM NEEG NTSHIAB xyoo A (Lễ Thánh Gia năm A)

Zaj Nyeem Ib
Npes Xis Las 3:2-6; 12-14
Tus hwm nws niam nws txiv, nws mloog Ntuj lus.
Cov lus nyob hauv Ntawv Npes Xis Las
² Huab Tais ua kom leej txiv muaj koob meej nyob hauv nws cov me nyuam, nws ua kom leej niam muaj cai saib nws tej tub ki.
³ Tus hwm nws txiv nws them nws cov txim txhaum.
⁴ Tus cav txog nws niam lub koob meej nws zoo li tus neeg sau ib txhab nyiaj.
⁵ Tus hwm nws txiv, yav tom ntej nws yuav ntsib chaw zoo siab nyob hauv nws cov me nyuam. Thaum nws thov Ntuj, Ntuj yuav mloog nws lus thov.
⁶ Tus cav txog nws txiv lub koob meej, nws yuav nyob ntev xyoo. Tus ua xis nws niam siab, nws mloog lus.
¹² Kuv tus tub, koj pab koj txiv thaum nws laus, thiab koj tsis txhob ua rau nws tu siab thaum nws tseem muaj sia nyob.
¹³ Txawm tias nws lub taub hau tsis txawj ntse, ua siab ntev rau nws. Tsis txhob saib tsis taus nws vim koj hluas.
¹⁴ Koj ua ib txog hauj lwm nyiam koj txiv, Ntuj yuav nco ntsoov mus li. Txoj hauj lwm nyiam koj txiv yuav ntxuav koj cov txhaum lub txim pov tseg.
Yog Tswv Ntuj lo Lus

Nkauj Paj Nruag Txais Ntuj Lus
NPN 128:1-2, 3, 4-5 (1)
(Nqua Suab Cav Txog Tswv Ntuj, 6)

Txais: Cov tau txoj hmoov zoo yog cov hwm Huab Tais thiab taug Nws txoj kev.

1. Cov neeg hwm Huab Tais thiab taug nws txoj kev, lawv txoj hmoov zoo.
Koj tau noj cov txhiam xws koj ob txhais tes khwv.
Koj txoj hmoov zoo, koj tau lub neej kaj siab lug. Teb.

2. Koj poj niam zoo li tsob txiv cawv txi nyob hauv koj tsev.
Koj cov tub ki zoo li cov ntsuag txiv ntoo roj nyob ncig koj lub phaj tsum. Teb.

3. Huab Tais foom hmoov zoo rau tus hwm nws.
Thov kom Huab Tais nyob saum Xis Yoos foom hmoov zoo rau koj.
Niaj hnub tas koj sim neej,
koj yuav pom Yes Lus Xas Les vam meej. Teb.

Zaj Nyeem Ob ( bài dài )
Kos Los Xais 3:12-21
Ntuas cov neeg nyob ua ib tse kom lawv sib nyiam sib hlub.
Cov lus Paj Lug sau tuaj rau cov ntseeg nyob Kos Los Xais
¹² Kwv tij sawv daws, nej yog cov uas Tswv Ntuj xaiv, nej yog nws cov ntshiab, yog cov uas nws nyiam tshaj. Nej yuav hnav ib lub siab txawj khuv leej, ib lub siab nyiam ua zoo, nyiam ua neeg me, ib lub siab txawj hlub, ib lub siab ntev.
¹³ Nej ib leeg yuav ris ib leeg, yog nej ib tug muaj lus rau lwm tus, mas nej yuav sib zam. Huab Tais twb zam rau nej : nej kuj yuav ua raws li nws tus lwj lwm.
¹⁴ Nej yuav xub muab siab rau nrhiav txoj kev nyiam : vim txoj kev nyiam yuav ua kom nej hlob tiav.
¹⁵ Thov kom Leej Pleev txoj kev thaj yeeb tuaj kav nej lub siab : Ntuj hu nej los sib sau ua ib lub cev, yog vim Ntuj xav kom nej tau Leej Pleev txoj kev thaj yeeb. Qhov kawg, mas nej coj ib lub neej ua Ntuj tsaug mus li mog !
¹⁶ Thov kom Leej Pleev Lo Lus nyob txawm hauv nej ntau ntau. Nej rov sib qhia, sib ntuas nyob hauv kev thoob tsib. Nej yuav muab tas lub siab lub ntsws los nco txog Ntuj lub txiaj ntsim, nej hu tej zaj nkauj paj nruag, hais tej zaj lus paj huam seev tawm hauv nej siab los rau Tswv Ntuj mloog.
¹⁷ Txawm nej hais yam twg, los ua yam twg, mas nej tuav txog Huab Tais Yes Xus lub npe mus li. Nej ua Leej Txiv Tswv Ntuj tsaug nyob hauv Yes Xus.
¹⁸ Cov poj niam, nej yuav mloog nej tus txiv lus : tsim nyog yuav ua li ntawd, nyob hauv Huab Tais.
¹⁹ Cov txiv neej, nej yuav hlub nej tus poj niam ; nej tsis txhob npau taws rau nws.
²⁰ Cov me nyuam, nej yuav mloog nej niam nej txiv lus tas huv tib si : vim qhov no yog txoj kev zoo, uas nyob hauv Huab Tais.
²¹ Cov ua niam ua txiv, nej txhob qhuab qhia nej cov me nyuam nruj dhau, tsam lawv tsis qab siab ua dab tsi.
Yog Tswv Ntuj lo Lus

Zaj Nyeem Ob ( bài ngắn )
Kos Los Xais 3:12-17
Cov lus Paj Lug sau tuaj rau cov ntseeg nyob Kos Los Xais
¹² Kwv tij sawv daws, nej yog cov uas Tswv Ntuj xaiv, nej yog nws cov ntshiab, yog cov uas nws nyiam tshaj. Nej yuav hnav ib lub siab txawj khuv leej, ib lub siab nyiam ua zoo, nyiam ua neeg me, ib lub siab txawj hlub, ib lub siab ntev.
¹³ Nej ib leeg yuav ris ib leeg, yog nej ib tug muaj lus rau lwm tus, mas nej yuav sib zam. Huab Tais twb zam rau nej : nej kuj yuav ua raws li nws tus lwj lwm.
¹⁴ Nej yuav xub muab siab rau nrhiav txoj kev nyiam : vim txoj kev nyiam yuav ua kom nej hlob tiav.
¹⁵ Thov kom Leej Pleev txoj kev thaj yeeb tuaj kav nej lub siab : Ntuj hu nej los sib sau ua ib lub cev, yog vim Ntuj xav kom nej tau Leej Pleev txoj kev thaj yeeb. Qhov kawg, mas nej coj ib lub neej ua Ntuj tsaug mus li mog !
¹⁶ Thov kom Leej Pleev Lo Lus nyob txawm hauv nej ntau ntau. Nej rov sib qhia, sib ntuas nyob hauv kev thoob tsib. Nej yuav muab tas lub siab lub ntsws los nco txog Ntuj lub txiaj ntsim, nej hu tej zaj nkauj paj nruag, hais tej zaj lus paj huam seev tawm hauv nej siab los rau Tswv Ntuj mloog.
¹⁷ Txawm nej hais yam twg, los ua yam twg, mas nej tuav txog Huab Tais Yes Xus lub npe mus li. Nej ua Leej Txiv Tswv Ntuj tsaug nyob hauv Yes Xus.
Yog Tswv Ntuj lo Lus

Nkauj Cav Txog Lub Moo Zoo
Kos Los Xais 3:15a,16a
(Nqua Suab Cav Txog Tswv Ntuj 233, nqe 2)
As les lus yas. As les lus yas. Thov kom Leej Pleev txoj kev thaj yeeb tuaj kav nej nruab siab thiab kom Leej Pleev lo lus nyob txawm hauv nej mus li. As les lus yas.

Ntawv Moo Zoo
Mas Tais 2:13-15, 19-23
Yos Xes coj Mab Liab thiab tus me nyuam Yes Xus khiav mus Hais Nkws Tos teb.
Nej mloog ib zag nyob hauv Mas Tais Ntawv Moo Zoo
¹³ Thaum cov kws hnub qub rov qab mus lawm, Huab Tais tus Tshiab tawm tuaj ua npau suav rau Yos Xes, nws hais rau Yos Xes tias : "Koj sawv, koj coj tus me nyuam thiab nws niam khiav mus Hais Nkws Tos teb, koj yuav nyob ntawd mus txog thaum kuv rov tuaj qhia koj, vim Hes Los tab tom nrhiav tus me nyuam tua."
¹⁴ Yos Xes sawv, nws coj tus me nyuam thiab leej niam, lawv khiav hmo ntuj mus Hais Nkws Tos teb.
¹⁵ Nws nyob Hais Nkws Tos teb mus txog hnub Hes Los tuag. Qhov ntawd tshwm sim raws li lo lus Huab Tais kom tus yaj saub xub hais tias : Kuv hu kuv leej tub tim Hais Nkws Tos teb los.
¹⁹ Thaum Hes Los tuag lawm, Huab Tais tus Tshiab tawm los ua npau suav rau Yos Xes nyob Hais Nkws Tos teb.
²⁰ Tus Tshiab hais tias : "Koj sawv, koj coj tus me nyuam thiab nws niam, nej sawv kev rov mus His Xas Lais thaj av, vim cov neeg uas xav muab tus me nyuam tua, tuag lawm."
²¹ Ces Yos Xes sawv, nws coj tus me nyuam thiab leej niam rov los His Xas Lais teb.
²² Tab sis, Yos Xes hnov tias As Kes Los ua vaj hloov nws txiv Hes Los chaw kav Yus Das teb, ces Yos Xes ntshai mus Yus Das teb. Ntuj qhia nws hauv npau suav, nws thiaj tsiv mus nyob xeev Nkas Lis Lais.
²³ Nws los nyob ruaj hauv ib lub zos hu ua Nas Xas Les. Qhov ntawd tshwm sim kom muaj raws li cov yaj saub xub hais tias : Luag yuav hu nws ua neeg Nas Xaus Les.
Yog Huab Tais Yes Xus Lub Moo Zoo